Oflayn cheklar
Kassa internetsiz sotganda cheklar telefonda yig'iladi va internet qaytgach serverga yuboriladi. Server qabul qila olmagan chek shu yerga tushadi: siz uni sotuv sifatida yozasiz yoki yopasiz.
Ko'rib chiqiladigan cheklar
Menyudan Oflayn cheklarni oching va Ko'rib chiqish yorlig'iga o'ting. Har bir chekda nega qabul qilinmagani yozilgan. Yuborilmagan yorlig'ida esa shu telefondan hali yuborilmagan cheklar turadi.
- Sotuv sifatida yozish — chek qanday urilgan bo'lsa, shunday sotuv bo'lib, sotuvchisi nomidan yoziladi va qoldiqdan ayiriladi. Server chekni yana tekshiradi: yana rad etsa, chek yangi sababi bilan ro'yxatda qoladi
- Yopish — sotuv yozilmaydi: qoldiq, kassa va hisobotlar o'zgarmaydi
Sabab
Nega yopayotganingizni yozing — sabab chek bilan saqlanadi. Bu misolda sotuv kassada qayta urilgan.
Yoping
Yopishni bosing.
Yopildi
Chek ro'yxatdan chiqdi. Bu bo'lim faqat egasi va barcha sotuvlarni ko'rish huquqi bor xodimga ochiq.